नमोबुद्धमा कोरोना संक्रमित १७ बर्षिय युवतिको परिवारको परिक्षण नेगेटिभ्

भदौ ०४, २०७७


०४ भाद्र २०७७ छेडुप तामाङ
काठमाडौं–
नमोबुद्धमा कोरोना संक्रमित १७ बर्षिय युवतिको परिवारको कोरोना परिक्षण नेगेटिभ् आएको छ । गत हप्ता काभ्रे जिल्लाको नमोबुद्ध नगरपालिका वडा नं.५ का एक युवतिलाई कोरोना पोजेटिभ देखिएको थियो । नमोबुद्ध नगरपालिकामा संक्रमित सबै जना बिदेश बाट आई क्वारेन्टाइनमा बस्दै आएकाहरु थिए भने १७ बर्षिय युवति घरमै बस्दै आएका थिए ।

युवतिलाई संक्रमण पुष्टि भएपछि युवतिको बुबा जो प्रत्यक्ष अस्पतालमा आफ्ना छोरीको स्वास्थ्य हेरचाह गर्दै आएका थिए । उनलाई पनि तुरुन्तै नगरपालिकाको क्वारेन्टाइनमा राखेर कोरोना परिक्षण गरेका थिए ।

बिरामी भएर उपचारको लागि अस्पताल लगिएको युवतिमा संक्रमण पुष्टि भएको खबर आए पश्चात समुदायमा एक किसिमको डर पैदा भएका थिए । संक्रमितको परिवारको नै कोरोना नेगेटिभ अएको छ तसर्थ अनावश्यक रुपमा डर त्रास नलिई सजग र संयमित रहि नगरपालिका र वडा कार्यलयबाट जारि सुचनाको पुर्ण पालना समेत गरिदिनुहुन वडाबासिलाइ अनुरोध गर्दै संक्रमित युवतिको स्वास्थ्य अवस्थामा क्रमिक रुपमा सुधार आएको वडाध्यक्ष बुद्ध सिंह तामाङले जानकारी दिए ।