काठमाडौं गोंगबुस्थित हत्यापछि सुटकेशमा फालेको अवस्थामा टाउको बिनाको शव फेला

साउन २५, २०७७


२५ श्रावण २०७७
काठमाडौं
–काठमाडौंको गोगंबुस्थित गणेशस्थानमा हत्यापछि सुटकेशमा फालेको अवस्थामा एक शव फेला परेको छ । मृतक अन्दाजी ४० देखि ४५ वर्ष उमेर समूहका पुरुष रहेको छ ।

हत्यापछि सुटकेशमा फालेको अवस्थामा पुरुषको टाउको बिनाको शव फेला परेको र शबको करिव दुई सय मिटरको दुरीमा टाउको फेला परेपश्चात प्रहरीले अनुसन्धान तीव्र बनाएको छ । घटनाको प्रारम्भिक अनुसन्धान पछि प्रहरी शव पहिचानको नजिक पुगेको महानगरीय प्रहरी परिसर काठमाडौंका डिएसपी राजकुमार केसीले बताए ।

घटनास्थलमा तालिम प्राप्त कुुकुरको प्रयोग गरि अनुसन्धान थालिएको छ भने ठूलो संख्यामा प्रहरी परिचालन गरिएको छ । शव पोस्टमार्टमका लागि त्रिवि शिक्षण अस्पताल महाराजगन्जमा पठाइएको छ ।