काठमाडौ ।प्रहरी चौकी रातोमाटेबाट खटिएको प्रहरी टोलीले हेटौंडा उपमहानगरपालिका वडा नं १५, रातोमाटे चेकपोष्टस्थित पूर्वपश्चिम लोकमार्ग सडकमा सवारी चेक जांच गर्ने क्रममा गाँजासहित २ जनालाई प्रहरीले नियन्त्रणमा लिएको छ ।
हेटौंडाबाट पथलैयातर्फ जाँदै गरेको बा. २१ च ५२२६ नम्बर पिकअप चेक गर्ने क्रममा पिकअपचालक धादिङको थाक्रे गापा ४ बस्ने वर्ष ३४ का जीवन मगर र सोही गाडीमा सवार वडा–६ बस्ने वर्ष ३० का प्रदीप क्षेत्रीको शरीर तथा पिकअप गाडीसमेत खानतलासी गर्दा गाडीको ढालाभित्र लुकाइल्याइएको अवस्थामा २ सय २३ किलो लागुऔषध गाँजा फेला परेको हो ।
लागुऔषध, गाडीसहित उनीहरुलाई आइतबार विहान करिब ५ बजे नियन्त्रणमा लिइ मकवानपुर जिल्ला अदालतबाट १० दिन म्याद थप अनुमतिसाथ अनुसन्धान कार्य भइरहेको प्रहरीले बताएको छ ।
