स्पेनिस क्लब रियल मड्रिड च्याम्पियन्स लिग फुटबलको फाइनलमा पुगेको छ। सिटीको मैदानमा भएको पहिलो लेगमा ४-३ गोल अन्तरमा पराजित भएको रियलले गएराति आफ्नै मैदानमा भएको दोस्रो लेगमा ३-१ को जितपछि फाइनलमा पुगेको हो।
रियलका रोड्रिगोले खेलको अन्तिम समय दुई मिनेट भित्र २ गोल गरि बराबरी ल्याएको हो । ९० मिनेटको बराबरी खेलपछि थप ३० मिनेट समय थपिएको थियो । थप समयको ५ मिनेटमा करिम बेन्जेमाले पेनाल्टीमा एक गोल गरी रियललाई च्याम्पियन्स लिगको फाइनलमा पुर्याएको हो । दोस्रो लेगमा सिटीका लागि रियाद महारेजले ७३ औं मिनेटमा एक गोल गरेका थिए ।
पहिलो लेगमा सिटी ४-३ गोलले विजयी भएको थियो। तर दोस्रो लेगमा रियलले तीन गोल गरेपछि समग्रमा ६-५ को अग्रता भएको हो। अब च्याम्पियन्स लिगको उपाधिका लागि रियल मड्रिड र लिभरपुल आउँदो मे २९ मा खेल्नेछन्।
