१५ श्रावण २०७७, छेडुप तामाङ
काठमाडौं–काभ्रे जिल्लाको पांचखाल नगरपालिका वडा नं.१० स्थित बेला भन्ने ठाउंमा बिहिवार मृत अवस्थामा एक लाश फेला परेको छ । पांचखाल नगरपालिका र नमोबुद्ध नगरपालिकाको सिमाना क्षेत्र पर्ने उक्त ठाउंमा फेला परेको लाशको प्रकृती हेर्दा हत्या गरि फालिएको अनुमान लगाइएको छ । नाम, थर,बतन नखुलेको उक्त लाशको अनुहार लगायत शरिरको अन्य भागमा चोटपटक लागेको अवस्थामा शव फेला परेको प्रहरीले जनाएको छ ।
लाश अन्दाजी ५० बर्षको रहेको छ भने मृतकको गोजीमा मोबाईल भटिएको हुंदा लाश पहिचान गराउने र घटनाको बारेमा थप अनुसन्धान भइरहेको जिल्ला प्रहरी कार्यलय काभ्रेले जनाएको छ ।
