१७ असार २०७७
धुलिखेल । काभ्रेमा थप एक जनामा कोरोना संक्रमण पुष्टि भएको छ । जिल्ला स्वास्थ्य कार्यालय, काभ्रेका प्रमुख नरेन्द्रकुमार झाका अुनसार बैदेशिक रोजगारबाट फर्केकी एकजना महिलामा कोरोना संक्रमण पुष्टि भएको हो ।
कोरोना संक्रमित महिला बनेपा नगरपालिका वडा नम्बर १० की हुन् । डा. झाका अनुसार २४ बर्षीय ती महिला गत जेष्ठ २९ गते नेपाल फर्केकी थिइन् ।
यस अघि काभ्रेमा पहिलो पटक ५ जनामा कोरोना संक्रमण भएको थियो भने दोस्रो पटक एकजनामा संक्रमण भएको थियो । यससँगै काभ्रेमा संक्रमित संख्या ७ पुगेको छ ।
बेथानचोकमा भेटिएको संक्रमित डिस्चार्ज
यसैबीच काभ्रेको बेथानचोक गाउँपालिकाका एकजना संक्रमित युवा उपचार पछि घर फेर्केका छन् । जिल्ला स्वास्थ्य कार्यालय, काभ्रेका प्रमुख डा. झाका अनुसार ती युवा आज डिस्चार्ज भएका हुन् । काभ्रेमा दास्रोपटक भेटिएका ती युवाको टेकुमा उपचार भइरहेको थियो ।
यससँगै कोरोना संक्रमण निको भएको संख्या काभ्रेमा ६ पुगेको छ ।
