काठमाडौं । काठमाडौंको कागेश्वरी मनोहरा नगरपालिका–८ मा सोमबार साँझ गोली लागेर गम्भिर घाइते भएका लाल मोहम्मद भन्ने मोहम्मद दर्जीको उपचारका क्रममा मृत्यु भएको छ ।
मृत्यु हुनेमा सर्लाहीको हरिवन नगरपालिका–२ का ५५ वर्षीय मोहम्मद रहेको पुस्टि भएको छ । उनलाई सोमबार साँझ बन्दुकधारी समूहले गोली हानेको थियो । उनको टाउकोमा दुईवटा र दाहिने तिघ्रामा एउटा गोली लागेको थियो ।
मोहम्मदलाई त्रिवि शिक्षण अस्पतालले मृत घोषणा गरेको उपत्यका प्रहरी कार्यालय प्रमुख एआईजी रवीन्द्र धानुकले बताए ।