काठमाडौ । बिहीबार १ बजे सिंहदरबारमा बस्ने मन्त्रिपरिषदको नियमित बैठकले निर्वाचनको मिति घोषणा गर्ने तयारी गरेको एक मन्त्रीले जानकारी दिएको छ ।
आज बस्ने बैठकको मुख्य एजेण्डा निर्वाचनको मिति घोषणा गर्ने रहेको छ । मन्त्रीका अनुसार बुधबार बसेको सत्तारुढ गठबन्धनको बैठकले मंसिर ४ गते निर्वाचन गर्ने सहमति गरेको थियो। सोहीे सहमतिअनुसार मंसिर ४ गते नै संघ र प्रदेशको निर्वाचन मिति घोषणा गर्ने रहेको हुंदा त्यहीँ अनुसार निर्णय गर्ने तयारी रहेको छ ।
गठबन्धनलाई निरन्तरता दिने सहमतीसहित सत्तारुढ दलहरुको बैठक भोलि शुक्रबार बिहान साँढे नौं बस्ने निर्णय बैठकमा गरिएको सञ्चार तथा सूचना प्रविधिमन्त्री एवम् कांग्रेस नेता ज्ञानेन्द्रबहादुर कार्कीले जानकारी दिए।