१ कार्तिक २०७८
काठमाडौ । प्रहरीले एक थान पेस्तोलसहित एक जना युवकलाई पक्राउ गरेको छ। सर्लाहीको बलरा नगरपालिका वडा नम्बर ३ लक्ष्मीपुरका २४ वर्षीय नवनित झालाई पक्राउ गरिएको प्रहरीले जनाएको छ।
एक थान पेस्तोल र एक थान म्याग्जिनसहित शनिबार उनी पक्राउ परेका थिए।स्थानीय विनय झा र नवनितबीच फेसबुकमा कमेन्टको विषयलाई लिएर विवाद भएको थियो।
विवाद भएपछि नवजितले विनयलाई पेस्तोल ताकेको भन्ने सूचना पाएपछि प्रहरी पुगेको थियो।सीमा प्रहरी चौकी बलरामाबाट खटिएको टोलीले उनलाई हतियारसहित नियन्त्रणमा लिएको हो।
