३० असार २०७८
काठमाडौ । नेकपा एमाले उपाध्यक्ष वामदेव गौतम वरिष्ठ नेता माधवकुमार नेपाललाई भेट्न कोटेश्वर पुगेका छन् । विहान ९ बजेबाट नेपालनिवास कोटेश्वरमा गौतम र नेपालबीच छलफल भइरहेको जानकारी आएको हो ।
मंगलबार स्थगित एमाले स्थायी कमिटी बैठक बोलाउने ओलीको तयारी छ । यसअघि नेपाल पक्ष बिनाको केन्द्रीय कमिटीमा सहभागी भएका गौतम पछिल्ला समय बैठकमा आएको थिएन ।
यस्तै नेपाल पक्ष भने एमाले ब्यूँतिएपछि बैठकमा सहभागी भएको छ । आइतबार एमाले कार्यदलले पार्टी एकताको आधार तयार पार्दै १० बुँदे सहमति गरेको छ । त्यसको कार्यान्वयनका लागि ओली र नेपालबीच भेटवार्ताको पनि तयारी भइरहेको बुझिएको छ भने आजको भेटमा गौतम र नेपालबीच एकताका सन्दर्भका छलफल भइरहको स्रोतको भनाइ छ।
