१४ असार २०७८
काठमाडौ । काठमाडौंका प्रमुख जिल्ला अधिकारी कालीप्रसाद पराजुलीले २५ सिटभन्दा माथीका सार्वजनिक सवारी साधन सोमबारदेखि जोरबिजोर प्रणालीको आधारमा चल्न दिने निर्णय भएको जानकारी दिएको छ । सवारी साधनमा स्वास्थ्यका मापदण्ड पालना गर्नुपर्ने छ भने अन्य साना सार्वजनिक सवारी साधनको हकमा नयाँ निर्णय गरिसकेको छैन ।
खाद्यन्न पसल सोमबार देखि साँझ ६ बजेसम्म खोल्न पाइने छ । यसअघि खाद्यन्नका पसल बिहान ११ बजेसम्म मात्रै खोल्न पाउने निर्णय गरिएको थियो ।
हाल उपत्यकामा निजी सवारीसाधन र ट्याक्सीहरुलाई जोर–बिजोरको आधारमा तथा व्यापार व्यवसाय बारको आधारमा सञ्चालन हुँदै आएका छन् ।
