१८ माघ २०७७
काभ्रे– काभ्रे जिल्लाको विपी राजमार्ग अन्तर्गत नमोबुद्ध नगरपालिका वडा नं. २ सेल्फीडाँडा नजिकै आज सुमो दर्घटनामा परेको छ । काठमाडौबाट वर्दिबास तर्फ जाँदै गरेको सुमो र धरानबाट काठमाडौ जाँदै गरेको प्रदेश नं.२–००–१–प ९७४५ नं.को सुमो एक आपसमा ठोक्किएर दुर्घटना भएको हो ।
सुमो सडकबाट झन्डै पाँच सय मिटर तल खसेको छ भने दुर्घटनामा परी सुमोमा सवार रहेका आठ र मोटरसाइकलमा रहेका दुईजना गरि दस जना घाइते भएका छन् । घाइतेको सशस्त्र प्रहरी बल १५ नं. गणका इन्स्पेक्टर सुवास भट्टराईको नेतृत्वको टोलीले उद्धार गरि उपचारका लागि धुलिखेल अस्पताल पठाएको छ ।
घाइतेमध्ये सुमो चालक र एक महिला यात्रुको अवस्था गम्भीर छ । दुर्घटना आज दिउँसो १ ः ३० बजेतिर भएको हो ।
