24.1 C
Kathmandu

ब्रेकिङ समाचारओलीको पत्रःअध्यक्ष प्रचण्डले ‘प्रस्तावका नाममा आफूविरुद्ध अभियोग पत्र वितरण गरेपछि पार्टीमा असामान्य...

ओलीको पत्रःअध्यक्ष प्रचण्डले ‘प्रस्तावका नाममा आफूविरुद्ध अभियोग पत्र वितरण गरेपछि पार्टीमा असामान्य अवस्था सिर्जना भयो

२२ मंसिर २०७७
काठमाडौ
–प्रधानमन्त्री तथा नेपाल कम्युनिस्ट पार्टी (नेकपा) का अध्यक्ष केपी शर्मा ओली आज पार्टीको स्थायी समिति बैठकमा उपस्थित भएनन् । यद्यपि, उनले सचिवालय सदस्य ईश्वर पोखरेलमार्फत् बैठकमा पत्र भने पठाएका छन् ।
‘स्थायी समितिका प्रिय कमरेडहरु’ को नाममा पठाइएको पत्रमा उनले पुनः अर्का अध्यक्ष पुष्पकमल ‘दाहाल’ लगायत उनको विपक्षमा रहेका सचिवालय सदस्यहरुमा निशाना साधेका छन् ।

यसअघि बसेको सचिवालय बैठकमा स्थायी समिति बैठकलाई ‘रत्यौली’ को संज्ञा दिएका ओलीले पत्रमा अध्यक्ष प्रचण्डले ‘प्रस्ताव’ का नाममा आफूविरुद्ध अभियोग पत्र वितरण गरेपछि पार्टीमा असामन्य अवस्था सिर्जना भएको जानकारी दिएका छन् । पार्टीभित्र हुने स्वस्थ र मर्यादित छलफलका सम्पूर्ण सीमा भत्काएर पार्टीभित्रको नीतिगत बहसलाई शत्रुतापूर्ण अन्तरविरोधमा रुपान्तरित गरेको र पार्टी विधान मात्रै होइन, राज्यका संविधान र कानुनसमेत आकर्षित हुने प्रकृतिका सङ्गीन फौजदारी आक्षेपहरु समेत लगाइएको उक्त अभियोगपत्रमाथि बैठकमा कुनै छलफल हुन नसक्ने मान्यता आफूले सचिवालय बैठकमा राखेको उनले स्पष्ट पारेका छन् ।

पार्टीलाई सहज र स्वस्थ वातावरणमा फर्काउने हो भने उक्त लिखित निःशर्त फिर्ता हुने पर्ने अडान पनि ओलीले उक्त पत्रमा दोहोर्याएका छन् । ‘आफूले खारेज गरिसकेको र पार्टीलाई विभाजनको डिलमा पुर्याएको त्यस्तो सङ्गीन आरोपपत्रका बारेमा हुने छलफलमा सहभागी हुन म असमर्थ रहेको व्यहोरा अनुरोध गर्दछु,’ ओलीले पत्रमा भनेका छन् ।

तपाईंको प्रतिकृया दिनुहोस्

Please enter your comment!
Please enter your name here

लोकप्रिय

मुख्य समाचार

यो पनि पढ्नुहोस्