२५ श्रावण २०७७
काठमाडौं–तामाङ गितसंगित बजारमा दिनहुं जस्तै नयां नयां गितका म्यूजिक भिडियोहरु सार्वजनिक गर्ने क्रम बढेसंगै शनिबार तामाङ सेलो जुहारी अंगुर झुप्पारी सार्वजनिक गरिएको छ । अध्ययनका लागि जापान पुगेका गितकार प्रज्वल दोङको शब्द रचनामा रहेको अंगुर झुप्पारी सेलो जुहारीमा च्वाईस दोङको संगित रहेको छ भने तामाङ समुदायका चर्चिच गायिका जितु लोप्चान र कोसिश थोकरको आवाज सुन्न सकिन्छ ।
गंगा तामाङको नृत्य निर्देशनमा अमिर मोक्तान, रस्मिला तामाङ, सनक तामाङ र युनिशा मोक्तानको संयुक्त नृत्य तथा अभिनय रहेको अंगुर झुप्पारी बोलको सेलो जुहारी गित शनिबार songs media Nepal मार्फत सार्वजनिक गरिएको हो ।
गित ठट्यौली पाराको रहेको र शब्द रचना देखी संगित,गायन र अभिनय पक्ष पनि राम्रो रहेको हुंदा दर्शक श्रोताले भरपुर मनोरञ्जन लिने निर्माण पक्षले बताएको छ भने दर्शक श्रोताले कत्तिको मन पराउंछन् बांकी सबै दर्शक श्रोताको हातमा रहेको कुरा व्यक्त गरेका छन्।
Music video हेर्नुहोस्…….
