१४ श्रावण २०७७, छेडुप तामाङ
काठमाडौं–तामाङ समुदायका कलाकारहरुले लकडाउन भित्र र लकडाउन खुुलीसकेपश्चात क्रमबद्ध रुपमा एक पछि अर्को गर्दै नयां प्रस्तुतीहरु सार्वजनिक गरिरहेका छन् । यद्यपि लकडाउनका कारण आफना प्रस्तुतीहरु बजारमा सार्वजनिक गर्नका निमित्त भने धेरै भन्दा धेरै कठिनाईहरु खेप्नुपरेको कलाकारहरुको भनाई रहेको छ ।
यसै क्रममा लकडाउन खुले लगत्तै कुमार सिं लोप्चानको तामाङ प्रेम गित “बेहोस” म्युजिक भिडियो सहित बुधबार एक कार्यक्रमका साथ सार्वजनिक गरिएको छ । दरबारमार्ग स्थित एक होटलमा पत्रकार सम्मेलन गरि सार्वजनिक गरेको सो गितको शब्दरचनाकार कुमार सिं लोप्चान स्वयम आफै रहेको छ भने गितमा संगित निमा दोङको रहेको छ । डम्फु मिडिया हाउसको ब्यानरमा बनेको उक्त गितमा सेलो गायक हावा लामाको मर्मस्पर्शि आवाज सुन्न सकिन्छ । सर्गम स्टुडियोमा रेकर्ड गरिएको उक्त गितमा दिपेश प्रधानको मिक्सिङ/एरेन्जीङ रहेको छ ।
माया पिरतिमा कत्तिपयले खेप्नुपरेका पिडालाई उजागर गरेको यो गितको भिडियोमा अमिर दोङको निर्देशन रहेको छ भने अमिर दोङ,कुइसाङ रुम्बा,लगायत नव कलाकारहरु कुसाङ लामा र कल्पना दोङको अभिनय रहेको छ । Amir dong official youtube channel मार्फत सार्वजनिक गरिएको “बेहोस” बोलको गित बिसुद्ध माया पिरतिमा आधारीत गित रहेकोले विगतका दिनहरुमा प्रस्तुत गरेका आफ्ना प्रस्तुतिहरुलाई जस्तै यो गितलाई पनि माया गरिदिनुहुन र उचित सल्लाहसुझाव समेत दिनका लागि दर्शक श्रोतालाई गायक हावा लामाले अनुरोध गरेको छ ।
निर्देशक तथा नायक अमिर दोङको सभाध्यक्षता एवम् नेपाल तामाङ कलाकार संघका केन्द्रिय उपाध्यक्ष /बरिष्ठ गायक तथा संगितकार विश्व दोङको प्रमुख आतिथ्यतामा सम्पन्न पत्रकार सम्मेलनमा रोशी गाउंपालिका वडा नंं.३ का वडाध्यक्ष धनजित लामा लगायत तामाङ समुदायका विभिन्न कलाकारहरुको समुपस्थिति रहेका थिए ।
प्रमुख अतिथि विश्व दोङले कार्यक्रमलाई सम्बोधन गर्दै तामाङ गितसंगीतमा नयां आयाम थपिएकोमा खुशी रहेको भन्दै सिंगो टिमलाई सफलताको शुभकाना समेत व्यक्त गरेका थिए । कार्यक्रममा बोल्दै विश्व दोङले तामाङ गितसंगीतमा बिक्रिति र बिसंगति बढेको चिन्ता समेत व्यक्त गरेका थिए । कार्यक्रम पत्रकार सुदिन दोङले सञ्चालन गरेका थिए ।
