०५ श्रावण २०७७
काठमाडौं–सीमा क्षेत्रमा खटिएका नेपाली सशस्त्र प्रहरीमाथी भारतीय नागरिकहरुद्धारा पटक पटक आक्रमण गरिएको छ । गौरीगन्ज गाउंपालिका वडा नं.५ स्थित नेपालभारत सीमा क्षेत्रको १५२ नम्बर पिलर नजिक गत शनिबार राति केही भारतीय नागरिकहरुद्धारा सशस्त्र प्रहरी माथी आक्रमण गरेका हुन ।
प्रमुख जिल्ला अधिकारी उदय बहादुर रानाले जानकारी दिए अनुसार राति करिब ९ः३० बजे सीमा गस्तीमा खटेका नेपाली सशस्त्रका टोलीमाथि ठुलो संख्यामा घरेलु हतियारसहित आएका भारतीय नागरिकहरुको समुहले आक्रमण गरेका थिए । रातको समयमा केही भारतीय नागरिक नेपाल प्रवेश गर्न खोज्दा सशस्त्र प्रहरीले रोके पश्चात भारतीयहरुको समुहले सशस्त्र प्रहरुहरुमाथी आक्रमण गरेका थिए ।
भारतीयहरुको आक्रमणमा परी सशस्त्रका २ जना जवान घाइते भएका छन् । घटनालाई नियन्त्रण गर्नका लागि सशस्त्र टोलीले चार राउण्ड हवाई फायर गरेपछि आक्रमणका लागि आएका भारतीयहरु भागेका प्रमुख जिल्ला अधिकारी रानाले बताए ।
