काठमाडौ – टुङ्ना मिडियाको प्रस्तुती र खान्दोके सेलो नाइट -२ को विशेष सहयोगमा दुबाईमा वृहत सांसकृतिक कार्यक्रम कार्यक्रम हुने भएको छ । आउदो अक्टोबर ४ मा दुवईमा हुन गइरहेको खान्दोके सेलो नाइट सिजन -२ मा नेपालबाट चर्चित कलाकारहरु सांगीतिक प्रस्तितीका लागि जाने भएको छ ।
आयोजकले जानकारी दिए अनुसार नेपालबाट चर्चित सेलो गायक प्रेम योन्जन र लक्ष्मी स्याङतानले आफ्नो विशेष प्रस्तुती लियर कार्यक्रम स्थल पुग्ने भएको छ। टुङ्ना मिडियाको प्रस्तुति र खान्दोके सेलो नाइट सिजन -२ को विशेष सहयोगमा आउँदो अक्टोबर ४ मा “सिन्धुपाल्चोक बाट गुन्जिने तामाङ मौलिक भाका हाम्रो पहिचान, खान्दोके सेलो जगेर्ना गर्ने मुख्य अभियान” भन्ने मुल नाराका साथ तामाङ मौलिक भाका खान्दोके सेलोको जगेर्ना गर्ने उदेश्यले खान्दोके सेलो नाइट” सिजन -२ कार्यक्रम दुवईको सुन्दर सहर बरदुवाइ SK7 CLUB मा भव्य रूपमा आयोजना हुने भएको छ।
कार्यक्रम बेलुकी ८ बजेबाट सुरु हुने छ भने कार्यक्रममा नेपालका चर्चित सेलो गायक प्रेम योन्जन लामा र चर्चित गायिका लक्ष्मी स्याङतानले विशेष प्रस्तुति दिने भएको छ। कार्यक्रमलाई भव्य बनाउन नेपालबाट आमन्त्रित कलकार प्रेम योन्जन र लक्ष्मी स्याङतानले आफ्नो लोकप्रिय गीतहरू प्रस्तुत गर्दै मनोरञ्जन प्रदान गर्नेछ। साथै DJ- PRAZE र DJ ROLLING को DJ SESSION पनि हुने छ।
आयोजकका अनुसार कार्यक्रमको मुख्य उद्देश्य विदेशमा रहेका समुदायलाई आफ्नै संस्कृति र मौलिक तामाङ भाका सँग जोड्ने तथा सांस्कृतिक संरक्षणमा टेवा पुर्याउने रहेको छ।
दुवईमा बसोबास गर्ने सम्पूर्णमा कार्यक्रममा सहभागी भई खान्दोके सेलोको मौलिकतालाई अनुभव गर्न र सभालाई सफल बनाउन आयोजक टिमले आह्वान गरेका छन्।
कार्यक्रमको संयोजक वसन्त लामा हुन भने लक्ष्यमन स्याङबोले कार्यक्रम सन्चालन गर्ने आयोजक टिमले बताउनु बताएको छ।
