२८ भाद्र २०७८
काठमाडौ । सभामुख अग्निप्रसाद सापकोटाको आह्वानमा संसदमा प्रतिनिधित्व गर्ने दलहरुको संयुक्त बैठक आज बस्दैछ ।
बैठक संघीय संसद भवनको ल्होत्से हलमा बस्ने भएको सो बैठक संसदमा जारी गतिरोध अन्त्य लगायतका महत्वपूर्ण समसामयिक विषयमा केन्द्रित रहने श्रोतले जानकारी दिएका हुन् ।
छलफलमा प्रधानमन्त्री एवं कांग्रेस संसदीय दलका नेता शेरबहादुर देउवा, विपक्षी दलका नेता केपी शर्मा ओली, माओवादी केन्द्रका संसदीय दलका नेता पुष्पकमल दाहाल ‘प्रचण्ड’, नेकपा एकीकृत समाजवादीका संसदीय दलका नेता माधव कुमार नेपाल, जसपा संसदीय दलका नेता उपेन्द्र यादव र लोसपाका नेता महन्थ ठाकुरलाई बोलाइएको छ ।
