नमोबुद्ध न.पा.१०का वडाध्यक्ष जाडोमा न्यानो कपडा लिएर वस्तिवस्तिमा छिर्दै, ज्येष्ठ नागरिकले रुदै दिए आशिर्वाद

कार्तिक २५, २०७७



२५ कार्तिक २०७७/छेडुप तामाङ
काठमाडौ-काभ्रेको नमोबुद्ध नगरपालिका वडा न.१० ले मांगलवार जाडोमा लगाउनका लागि न्यानो कपडा लिएर बस्तिबस्तिमा पुगेर बितरण गरेका छ्न ।

मंगलवार वडाध्यक्ष रामकृष्ण उपाध्याय सहित वडाका सबै निर्वाचित वडा समिती र कर्मचारीहरु ज्येष्ठ नागरिक र एकल महिलाका लागि जाडोमा लगाउनका लागि १/१ थान स्विटर, ट्राउजर, टोपी, माक्स र चार्जेबल टर्च, लाईट बितरण गर्दै वडाका सबै बस्तिबस्तीहरुमा पुगेका हुन ।

गत साल ज्येष्ठ नागारिकहरुलाई खाद्यसामाग्रीको साथमा लट्ठि बितरण गरेकोमा यो बर्ष भने कोरोनाको महामारिलाई मध्यनजर राख्दै ज्येष्ठ नागरिकहरुलाई चिसो बाट बचाउन र सङ्क्रमण रोकथाम गर्नका लागि न्यानो कपडा बितरण गरेको वडाध्यक्ष रामकृष्ण उपाध्यायले नमोबुद्ध न्युजलाई बताएका छ्न ।

१० न.वडाका विभिन्न बस्तिहरुमा जनप्रतिनिधी र कर्मचारिको टोलीले ती सामागृहरु वितरण गरेपश्चात कपाल सेत्तै फुलिसकेका लट्ठिको साहारामा गर्मीमा सितल र जाडोमा घाम खोज्दै हिडेका ज्येष्ठ नागारिकहरुले आंखाभरी आंशु पार्दै आपसमा खुशी ब्यक्त गर्दै वडाध्यक्षलाई आशिर्वाद दिएका थिए ।

वडाध्यक्ष रामकृष्ण उपाध्याय को साथमा वडा सदस्यहरु उर्मिला अधिकारी , बिष्णु माया बिक, सानुबाबु पाठक, सुकमान तामाङ, वडा सचिव बिरेन्द्र रावल, वडाका कर्मचारी सम्झना तिवारी लगायतका टिम नै मंगलवार वडाका सिम्ले लहरी, सिम्ले भन्ज्यङ, भोले डांडा, बसेरी पाठक गाउँ , बसेरी तामाङ गाउँ, पुराना गाउँ स्वास्थ्य चौकी सम्मका वस्तिमा मंगलबार जेष्ठ नागरिक तथा एकल महिलालाई न्यानो कपडा बितरण गर्दै सम्मान कार्यक्रम बिसर्जन गरिएका थिए ।

वडाका बांकी बस्तिहरुमा भने भोलि बितरण गर्ने वडाध्यक्षले जानकारी दिएको छ ।