कोरोना भाइरसका कारण रोकिएको नेपाली सेनामा भर्ना प्रक्रिया पुनः सुचारु

असोज १३, २०७७


१३ असोज २०७७
काठमाडौ
–कोरोना भाइरसका कारण रोकिएको नेपाली सेनामा भर्ना प्रक्रिया पुनः सुचारु गरिएको जनाएको छ । नेपाली सेनाको भर्ना छनौट निर्देशनालय, कार्यरथी विभागले गत माघमा विभिन्न पदहरुमा खुलाएको विज्ञापन कोरोना भाइरसका कारण चैत ६ गते स्थगित गर्ने निर्णय गरेको थियो ।

निर्देशनालयले मंगलबार एक सूचना प्रकाशित गरेर पुनः भर्ना प्रकृया सुचारु गरिएको जानकारी दिएको हो । भर्ना छनौटसम्बन्धी विस्तृत जानकारी सेनाको वेबसाइटका साथै सेनाकै मोबाइल एप्स ‘नेपाली आर्मी’ मा हेर्न सकिने छ । यस्तै लोकसेवा आयोगको वेबसाइटमा समेत हेर्न सकिने सूचनामा उल्लेद गरिएको छ ।

सेनाले थप जानकारी लिनु परेमा भर्ना छनौट निर्देशनालय, कार्यरथी विभागको सम्पर्क नम्बर ४२४६९५० वा मोबाइल नम्बर ९८६३०३१५६१ सम्पर्क गर्न सकिने छ ।