कोरोनाले लियो एकै दिनमा ११ जनाको ज्यान,मृत्यु हुनेको संख्या १३७ पुग्यो

भदौ ०५, २०७७


०५ भाद्र २०७७
काठमाडौं
–पछिल्लो २४ घण्टामा कोरोनाभाइरस संक्रमणबाट थप ११ जनाको मृत्यु भएको छ । मोरङ, पर्सा, बारा, सप्तरी, सर्लाही, काठमाडौं, ललितपुर, चितवन, मकवानपुर, दोलखा र प्युठानका १–१ जना गरी ११ जनाको कोरोना संक्रमणका कारण मृत्यु भएको हो ।

शुक्रबार मृत्यु हुनेमा एक महिला र दश पुरुष रहेका छन् । यो सँगै शुक्रबारसम्म कोरोनाभाइरस संक्रमणबाट मृत्यु हुनेको संख्या १३७ पुगेको स्वास्थ्य मन्त्रालयका प्रवक्ता डा जागेश्वर गौतमले जानकारी दिए ।

पछिल्लो २४ घण्टामा थप ८३८ जनामा कोरोनाभाइरस संक्रमण पुष्टि भएको छ । योसँगै शुक्रबार संक्रमितको संख्या ३० हजार नाघेको छ ।