प्रहरीले १५ किलो अवैध सुन सहित दुईथान हतियार बरामद,तस्कर फरार
साउन १३, २०७७
१३ श्रावण २०७७ काठमाडौं–काठमाडौंको कमलादीबाट प्रहरीले आज १५ किलो अवैध सुन संगै २ थान हतियार बरामद गरेको छ । विशेष सूचनाको आधारमा प्रहरीले सुन तस्करीलाई फलो गर्दै जाने क्रममा तस्करको समूहले प्रहरी देखेपछि सुनको झोला फालेर भागेको प्रहरीले जनाएको छ ।
तस्कररीले फालेको झोला सर्च गरी हेर्दा १५ किलो सुन र दुईथान हतियार फेला परेको महानगरीय प्रहरी परिसरले जानकारी दिएको छ । सुन बोक्ने गाडीको नम्बर पहिचान भएको तर मानिस पक्राउ पर्न नसकेको बताइएको छ । गाडी र मानिस खोज्न प्रहरी परिचालन गरिएको छ । आजको बजार मूल्यअनुसार बरामद गरिएको सुनको मूल्य रु.१२ करोड ६३ लाख बराबरको रहेको छ ।
